Herritar berrikuntzari, arte eta hirigintza parte-hartzaileari buruzko proiektuz betea egongo da uztaila

Ondorengo asteetan, wikitokerrak, zenbait ikuspegitatik, gizarte-berrikuntzara lotutako prozesutan murgilduko dira. Hona lantzen ari diren proposamen batzuk.

Gorputzaldiak

Antolatzen du: Adierak Dantza eta Hezkuntza Elkartea

Kolaboratzailea: Artaziakoop

Gorputzaldiak ekimenaren 2021/2022 ikasturterako formakuntza egiteko IZEN-EMATEA irekia dago

ADIERAK Dantza eta Hezkuntza Elkartea eta ARTAZIAK kolaboratzailea duen proiektu hontatik, bizitzen ari garen egoera konplikatuari aurre egiteko gure aportazioa egin nahi dugunez, aurten DEIALDI berezi bat irekiko dugu, interesatuetako 3 ikastetxeen kostuen kargu egingo delarik Gorputzaldiak egitasmoa.

  • Gorputzaldiak LH: Gaitasun sozioafektiboak
  • Gorputzaldiak HH: Mugitu, sentitu eta ezagutu

+Info

Nola elkarsortu elkarsorkuntzako ekosistema

ArantzazuLab, ColaBoraBoraren eta elkarsorkuntzan aritzen diren beste hainbat eragileen parte-hartzearekin.

Uztaileko 20a, ArantzazuLaben (Oñati).

Euskal Herriko elkarsorkuntzako profesionalen artean elkartzeko gonbidapena

Elkarsorkuntzak, zenbait eragileen jakintzak eta esperientziak konbinatuz, edonolako erronkei heltzen laguntzen du. Euskal Herrian, arlo horretan ibilbide luzea duten eragile asko daude, baina, ELKAR- dena landu arren, ez dira elkarlaneko hainbeste harreman sortzen edo komunikazio zein lan partekatutako ekosistemarik edo kanalik ez dago.

Hori sustatzea da ColaBoraBoraren eta Wikitokiren helburu nagusietako bat; hortaz, ArantzazuLaben deialdiak hasiera-hasieratik liluratu gaitu: gizarte-berrikuntzako laborategi berria, elkarlana sustatzen duena… Seinale ona da hori!

+Info

Lurzoru Okupazio Ordenantza berregokitzeko prozesua

Bergarako udala + Hiritik At

Uztailak 5- 6, Igartza jauregia, Bergara

Lurzoruaren okupazioari buruzko araubidea modu parte hartzailean berdefinitzeko herritar, merkatari eta ostalariekin lan saioak

Saio hauen helburua espazio publikoaren okupazioaren inguruko beharrak, kezkak, proposamenak ezagutzea,baloratzea, eta ekarpenak egitea izango da. Herritar, ostalari eta merkatarien beharrak jasoz, uda ondoren fase deliberatiboari ekiteko.

+Info

Heri Estrategiak: Espazio Publikoa eta Mugikortasuna

Idiazabalgo udala + Hiritik At

Uztailak 7, 18:00etan Idiazabalgo plazan

Erakusketa eta kontraste saioa Idiazabalgo plazan

Idiazabalgo mugikortasunaren eta espazio publikoaren arloan epe ertain eta luzerako esku hartzeko proposamenen aurkezpena eta kontraste saioa. Herritarrentzako saio irekia, udaletxeko plazan.

+Info

EAko udal eraikinetan erabilera aukerak aztertzeko prozesua

Ea-ko udala + Hiritik At

Uztailak 8, 18:00etan Eskolondon, Ea

Eraikin publikoen erabilera proposamena kontrastatzeko saioa

Eraikinen erabilera berrien inguruko proposamenak lantzeko saioa. Erabilera aukera ezberdinak eramango dira, aukera guztiak baloratu eta irtenbide egokienaren inguruan adostasun batera iristea izango da saio honen helburua.

Mungiako HAPOaren errebisioa

Mungiako udala + Taper Studio + Territorio y Ciudad + Hiritik At

Uztailak 8, 18:30etan, Mungia

Mungiako HAPO berrikusteko prozesua abiarazteko eta aurkezteko saioa

Saio publikoa, Mungiako HAPO berrikusteko prozesuari hasiera emateko. Erredakzio-talde teknikoa eta prozesuaren gakoak, bai eta herritarren parte-hartzea dinamizatuko dituen taldea, eta prozesuaren mugarria aurkeztea.

+Info

“El color de la cobertura de la corrupción en España” tesiaren aurkezpena 4 minututan

FCRI Fundazioa

Pablo Rey-k bere ikerketa gaia aurkezten du “Presenta tu tesis en 4 minutos” lehiaketan

UOCren ordezkari gisa, Pablo Reyk bere tesia aurkeztu du “El color de la cobertura de la corrupción en España. El escenario de la agenda en un ecosistema mediático polarizado” «Presenta tu tesis en 4 minutos» lehiaketan. Kataluniako 12 unibertsitateen arteko lehiaketa da, zeinean parte-hartzaile bakoitzak bere ikerketa aurkeztu behar duen publiko ororentzat ulergarria den hizkuntza erabilita eta, ga, gehienez lau minututan azaldu beharreko erronkari aurre eginda

Bideoa (40:40)

+Info

“En el aire”, COVID-19 binetak

Pablo Rey @numeroteca

“En el aire” Pablo (@numeroteca) gure kideak margotutako bineta-sorta da, COVID-19 birusa airetik nola transmititzen den irudiekin azaltzen duena. Tirak zenbait hizkuntzetan itzuli dira eta hainbat ikertzaileek dibulgaziozko material gisa erabili dituzte, adibidez José Luis Jiménezek.

+Info

TikTok-en

Hiria Birgaitzeko, Birsortzeko eta Berritzeko legea

cAnicca + Extremadurako Batzordea_Arkitekturaren eta Eraikuntzaren Kalitatearen Zuzendaritza Nagusia

Maiatza – Urria

3Ben legearen zirriborroa egiteko parte-prozesua diseinatzea eta koordinatzea

Extremadurako Hiria Birgaitzeko, Birsortzeko eta Berritzeko legearen idazketa laguntzeko, herritar guztiei irekitako prozesua diseinatu da. Prozesuaren hasieran kontraste-etapa bat egin zen sektore teknikoekin eta, ondoren, ekaina eta uztaila artean, bere alderdi publikoena burutuko da. Prozesu honen helburua zera da: BBB legearen oinarriak ezagutzera ematea eta horren inguruko beharrak, eskaerak, interesak edo ardurak jasotzea, modu parte-hartzailean idatzitako legea izan dadin eta; hortaz, bere testuinguruan errealista izan dadin.

+Info

Ezagutza sustatzeko koprodukzioa Mar Menorren

Violeta Cabello

2020ko Uztaila – 2023ko Uztaila

Ikerketa hau zenbait eragileen artean aritzeko zubiak bilatu nahi ditu Mar Menorreko degradazioari heltzeko

Mediterraneoko itsasertzeko urmael handiena da Mar Menor. Eutrofizazio gisa ezagutzen den degradazio prozesua jasaten darama zenbait hamarkadez. Eutrofizazio horren ondorioak katastrofikoak dira ekologia-mailan, urmaelaren ertzetan agertu diren milaka arrain hilen argazkietan ikusi den bezala, eta gizarte-mailan, pertsona ugarik urmaela behar baitute bizirik irauteko. Horregatik guztiagatik, ikerketa honek zenbait eragileek arazoaren aurrean duten jarrera ulertu nahi du eta konponbide bateratuak proposatu nahi ditu elkarlaneko metodologien bidez.

Agroplaza Kirikiño – Hiri-eraldaketa ekologikoa Bilbon

Pezestudio.org – Designscapes Europako Proiektua, Bilboko udala, Eusko Jaurlaritza

Kirikiño plaza, Irala, Bilbo.

Agroplaza Kirikiño proiektua bukatu da

Agroplaza Kirikiñoren emaitza: azpiegitura ekologiko berritzaileak instalatu dira Kirikiño plazaren eraldatze sozial eta ekologikoa burutzeko. Bizikletak Aparkatzeko Harmaila eta Soinu Agertokia proiektuaren emaitza dira. Prozesua iazko uztailean abian jarri zen lekuko eragileekin batera sortzeko prozesuarekin, ekainetik aurrera erabiltzaileen esku dagoena. Hiri-azpiegiturak autosufizienteak dira eta landaredia ere badute, euriagandik babesten dute, energia sortzen dute eta teknologia interaktiboen bidez, aisialdirako ekintzak eta ekintza komunitarioak burutzea ahalbidetzen dute (bozgorailu soinu sistema bluetooth bidez, ispiluak eta USB konexioa).

+Info

Besaya Europa – Trantsizio Ekologikoa

Kantabriako Gobernua, Deliberativa, Pezestudio.org

Maiatza- Uztaila , Online, Besako eskualdea, Kantabria

Besayan Trantsizio Ekologikorako lehentasunak ezarriko dituen herritarren eztabaida-prozesua lagunduko dugu

Besaya Europa parte-hartze saioekin jarraituko dugu, zeinetan biztanleriaren ordezkari diren eta zozketaz hautatu diren 35 pertsonaz osatutako epaimahaiaren deliberamendua erraztuko dugun. Lurraldearen ikuspegi orokorra landu ondoren, Eskualde Garapenerako Europako Funtsa (EGEF) berrian eta Europako Gizarte Funtsan (EGF) 2021-2027 aldirako, Besayako eskualdean, Europako trantsizio ekologikoaren esparruan, gehituko diren ekintzak lehenesten jarraituko dugu.

+Info

Arrasateko Azoka eraberritzea

Pezestudio.org

Arrasateko azoka eraberritzeko egikaritze proiektua

Egungo Arrasateko azoka eraberritze-lanetan dihardugu. Herriko udalak urte hasieran abian jarritako lizitazioa irabazi genuen eta, analisi bat egin ostean, proposamenaren Oinarrizko Proiektua entregatu genuen. Udalarekin behin kontrastea eginda, egikaritze proiektua garatzen jarraituko dugu. Proposamenak azoka espazio malguan eraldatzea jasotzen zuen, erabilera berrietara irekita dagoena eta kanpoaldearekin harreman zuzena duena, zabaltasuna eta argitasuna handitzeko eta kanpoko ikusgarritasuna hobetzeko, espazioa herritarren topagune gisa txertatzeko.

Leave a Reply

Your email address will not be published.