Nortzuk

2014-04-08_asamblea_WT_pano1

Esperientzia, osagarritasuna eta helburu komunak

Wikitoki bokazio publikoa duen izaera pribatuko ekimena da eta erakunde edo agente zehatz bati zuzenean lotuta egon beharrean, haien lan-arloetan ibilbide zabala eta ordezkaritasun maila altua duten pertsona eta erakunde ezberdinak biltzen ditu. Orain, agente hauek haien esperientziak gehitzen dituzte, sinergiak sortu eta osagarritasunak bultzatzeko helburuarekin. 2013ean zehar Wikitoki artikulatzeko garatu genuen lan prozesuaren emaitza gisa, gaur egun elkartea ondorengo agenteek osatzen dute: Artaziak, Basurama, cAnicca, ColaBoraBora, Hiritik-at, Histeria Kolektiboa, IDEATOMICS / Saioa Olmo Alonso, Iker Olabarria, Josune Urrutia Asua, KARRASKAN, la_transmisora_/Laura Fernández, Montera34, Pezestudio, TIPIgara, Violeta Cabello y Urbanbat. Gure helburuen artean agente inplikatuen kopurua handitzea dago, baita hauen tipologia eta disziplina arloren aniztasuna ere. Agenteen multzoa eta taldearen hedatzea eta dibertsifikazioa ulertzeko kontutan hartu beharreko ezaugarri eta alderdi batzuk:

  • Agente anitzak eta osagarriak gara, ‘elkar-’ loteslea puntu komun gisa dugula, berrikuntza soziala, sorkuntza eta sormen aplikatuaren forma ezberdinekin lotutako arloetatik gatoz.
  • Agente tipologia ezberdinak espazioa(k)-proiektua(k)-baliabide komuna(k) partekatzen.
  • Agente bakoitzak bere berezkotasuna, identitate-marka, jarduna propioak mantentzen ditu. Aterpe komun baten pean identitate bilketa bat sortzen da, autonomoak baina interdependenteak.
  • Agente berriak gehitzean, nortzuk eta zergatik/zertarako pentsatu. Zer ekarpen egiten diote talde handiari?
  • Helburuak partekatzeko gutxieneko erreferentziazko markoa eta Wikitoki proiektu komunaren garapenean elkar-erantzunezko inplikazio zehaztu.