Nanteseko Kultura eta Arteen Kudeaketako Masterra Wikitokira etorriko da bisitan

27 ikasle eta irakaslez osatutako taldea, Deustuko Unibertsitatearen laguntzarekin, Bilbora etorriko da gure hiria eraldatu duten kultura-prozesuak eta haren sormen-bizitasuna elikatzen duten sareak gertutik ezagutzeko asmoz.

Taldeak Wikitokiren historia eta funtzionamendua ezagutuko ditu, eta gure komunitateak nola bultzatzen duen praktika kolaboratibo, ekosozial eta esperimentalen bidez ingurune bizigarriagoak irudikatu eta eraikitzea deskubrituko du.

Belén Cerezo eta Isabel Tomas, Wikitokiko kideak, izango dira bisita hau gidatuko dutenak —truke eta elkarrizketarako espazio gisa pentsatutako topaketa, ingelesez egingo dena—.
Saioa izaera itxikoa izango da, eta masterreko ikasle eta irakasleei soilik zuzenduta egongo da.

Wikitokin sinesten dugu beste komunitate batzuekin esperientziak partekatzearen garrantzian, batez ere, testuinguru desberdinetatik kultura eta bizitzeko moduak eraldatzen saiatzen direnekin.

Jarduera hau Wikitokiren bisita inspiratzaileak izeneko zerbitzuen parte da.

+info: Wikitokiren zerbitzuak